Alioski i Maqedonisë: Ka mundësi të ketë shumë shqiptarë në “Euro 2020”

Ezgjan Alioski, sulmuesi shqiptar 28-vjeçar i Maqedonisë së Veriut, ka lavdëruar Kosovën pasi ekipi i tij i mundi 2-1 ‘Dardanët’ për t’u kualifikuar në finale, ku do të përballet me Gjeorgjinë në luftën për një biletë në Euro 2020.

“Loja kundër Kosovës, ndeshje e veçantë? Ky është futbolli, edhe ne kemi qef me shku në finale”, tha ai.

“Mendoj se kanë luajt edhe ata shumë mirë, i kanë munguar edhe shumë lojtarë. Por edhe ne, me organizimin që kemi, stafin selektorin, lojtarët se si jena forcu të gjithë.

“Ndeshja me Gjeorgjinë? Kemi vetëm një ndeshje, kemi kohë të përgatitemi tani për atë finale dhe na mbetet edhe një për të arritur objektivin. Në evropian do të ketë shqiptar nëse fitojmë”, tha Alioski. 

(Kosova Sot Online)