Lexoni edhe:
Dalin statistikat, ku renditet Kosova për numër të azilkërkuesve
Messi dhe Suarez barazojnë rekordin e Fenomenit Ronaldo për golat e shënuar në kualifikimet e Kupës së Botës
Lionel Messi dhe Luis Suarez gjetën golin të enjten mbrëma për të barazuar rekordin e Ronaldo Luis Nazario de Lima për më shumë gola të shënuar për një ekip kombëtar të Amerikës së Jugut në ndeshjet konkurruese.
Të tre sulmuesit tani kanë shënuar nga 39 herë në ndeshje të tilla me Suarezin që ishte i pari që barazoi rekordin e legjendës së Brazilit me një penallti në pjesën e parë në një fitore të diskutueshme 2-1 të Uruguait ndaj Kilit.
Ish-bashkëlojtari i Suarezit te Barcelona, Messi më pas arriti rekordin në të njëjtën mënyrë pasi ai shënoi nga pika e bardhë në fitoren e ngushtë 1-0 të Argjentinës ndaj Ekuadorit.
Në përgjithësi, kapiteni i Argjentinës ka shënuar më shumë sesa Ronaldo dhe Suarez në skenën ndërkombëtare me 71 gola në emrin e tij, por ky rekord është vetëm për ndeshjet kualifikuese në Kupën e Botës.
Messi luftoi të ndërtoj shanse të enjten kundër një ekipi kokëfortë si Ekuadori, por nuk arriti më shumë se një gol nga penalltia.
Pas këtyre rekordeve, Messi dhe Suarez janë në rrugë të tejkalojnë Ronaldon, pasi kanë ende ndeshje për të zhvilluar në këtë kualifikime.
Messi's Penalty against Ecuador
— Messi FC X Nik (@Messicrews) October 9, 2020
.
.#ArgentinaEcuador #argecu pic.twitter.com/ERcAvj2Jus
(Kosova Sot Online )
