Edhe Kosova U21 i jep fund ëndrrës për në Euro 2021 në kualifikime

Kosova U21 ka pësuar në minutat e fundit sonte kundër Austria U21, në një ndeshje ku Kosova U 21 u dominua nga mysafirët në të gjitha aspektet

Kosova U21, po ashtu, i ka dhënë fund ëndrrës europianë për grupmoshat U21 pasi sonte u mposht në Prishtinë nga Austria U21.

Mysafirët ishin më të mirë që nga fillimi i këtij takimi, ku në pjesën e parë patën disa raste për të shënuar gol.

Megjithatë, edhe Kosova arriti që të mbrohet mirë kundër kësaj skuadre dhe disa herë pati edhe sulme në drejtim të kundërshtarëve por pa konkretizim.

Në pjesën e dytë, austriakët ishin edhe më kërkues.

Fillimisht ata goditën shtyllën në minutën 76-të dhe disa herë ishin afër për të shënuar por goli erdhi në minutën e 87-të nga Marco Grull.

Pas shtatë ndeshjeve Kosova mbetet me 6 pikë në vendin e parafundit kurse Austria në vendin e dytë me 15 pikë, 4 më pak se Anglia U21 që është e para. 

(Kosova Sot Online)