Sekretari i Llapit, FFK-së: “Ne jemi nga Podujeva dhe jo nga Serbia”

Ka përfunduar mes polemikave të shumta sfida në “Zahir Pajaziti” mes Llapit dhe Dritës.

Drita ka arritur të marrë tri pikë shumë të vështira në Podujevë, pasi e mposhti Llapin me rezultat 1:2.

Në fakt, llapjanët ishin të parët që ishin në epërsi e më pas Drita arriti ta përmbysë këtë rezultat në pjesën e dytë, për t’i marrë tre pikët me vete në Gjilan.

Pas përfundimit të ndeshjes, klubi nga Podujeva janë ankuar në ndarjen e drejtësisë në këtë ndeshje, duke pretenduar se atyre u është bërë e padrejtë në disa raste nga gjyqtari kryesor i takimit, Visar Kastrati.

Sekretari i Llapit, Muhamet Rexhepi, nëpërmjet rrjetit të tij social ka reaguar fuqishëm në drejtim të Federatës së Futbollit të Kosovës.

Ai ka shkruar se ata janë nga Podujeva e Kosovës dhe nuk janë nga Serbia.

“I tregojmë Federates së Futbollit të Kosovës se jem nga Podujeva që egziston në Kosovë dhe nuk jemi nga serbia as nga beogradi e as nga rusia për krimiet që jeni duke na bër këtu dhe këta njerz që janë duke na bër nga referimi i sodit skandaloz dikush duhet të marrë përgjegjsi”, ka shkruar Rexhepi në “Facebook”.

(Kosova Sot Online)