![“Para syve të gjithë botës, të gatshëm e krenarë” – Albin Kurti fjalë të mëdha për ekipin olimpik të Kosovës](/uploads/kosova-sot/images/2024/July/27/200x200_IMG_57701722036153.png)
E konfirmon Juventusi, lëndohet sulmuesi i Kombëtares shqiptare – do të operohet!
![E konfirmon Juventusi, lëndohet sulmuesi i Kombëtares shqiptare – do të operohet!](/uploads/kosova-sot/images/2020/November/28/auto_Vrioni1606558482.png)
Sulmuesi i Kombëtares Shqiptare, Giacomo Vrioni ka pësuar një dëmtim në kyçin e këmbës dhe ditën e sotme do t’i nënshtrohet një operacioni që do ta mbajë jashtë fushave për disa muaj.
Lajmin e ka dhënë klubi i Juventusit nëpërmjet një komunikate zyrtare, ku theksohet se operacioni është planifikuar për sot dhe se vetëm pas ndërhyrjes do të mund të përcaktohet saktë koha e rikuperimit.
Sulmuesi 22-vjeçar iu bashkua Juventusit U23 në fillim të vitit dhe debutoi me fanellën bardhezi në Serinë A më 1 gusht të këtij viti, ku zëvendësoi argjentinasin Higuain në ndeshjen ndaj Romës.
Këtë sezon Vrioni ka luajtur vetëm pak minuta në ndeshjen ndaj Veronës, por është stërvitur rregullisht nën urdhrat e Pirlos dhe shpesh la qenë në pankinën e bardhezinjve, duke parë edhe mungesat e shumta në këtë repart.
Giacomo Vrioni ka debutuar me Kombëtaren Shqiptare në vitin 2018 dhe më pas ka veshur shpesh fanellën e Shqipërisë U21, por është ftuar edhe nga Reja në skuadrën e parë.
(Kosova Sot Online)