Jetmir Topalli realizon në minutën e 95-të për ta shpëtuar ekipin e tij nga humbja
Jetmir Topalli është shndërruar në “hero” për skuadrën e tij Yeni Malatyaspor, teksa e shpëtoi nga humbja në udhëtim te Gaziantep FK.
Ylli kosovar realizoi në minutën e pestë të kohës shtesë, duke barazuar rezultatin në 2-2 dhe duke i dhënë kështu një pikë tejet të vlefshme skuadrës së tij.
Madje, Topalli u inkuadrua në minutën e fundit të kohës së rregullt, derisa i dha impakt lojës së skuadrës së tij, duke kontribuar jashtëzakonisht shumë drejt pikës së 12-të kampionale.
Topalli u gjend bukur brenda zonës pasi u shërbye nga Semih Kaya, teksa e dërgoi me lehtësi topin drejt rrjetës.
Goli i 22 vjeçarit u rishikua në sistemin VAR, më pas u konfirmua dhe u legjitimua festa e futbollistëve të Yeni Malatyaspor.
Ky ishte goli i parë i ish-sulmuesit të Ballkanit në Superligën e Turqisë, derisa më parë kishte realizuar në Kupën e Kampionatit.
https://tiger.cdnja.co/v/zj/ZJ5EQ.mp4?secure=OhKojVUOtKse4_pF4AsDTg&expires=1606581000
(Kosova Sot Online)