Lexoni edhe:
Solskjaer: Manchester Unitedi fitoi pak me fat e pak rastësisht
Trajneri i Eibarit: Më në fund e ndalëm Barçën, pasi mungoi Messi që na i shënon nga dy gola gjithmonë
Trajneri i Eibarit, Luis Mendilibar, është shprehur shumë i lumtur që skuadra e tij ia doli ta fitojë një pikë duke e ndalur Barcelonën me barazim 1:1 në La Liga, por e pranon se mungesa e Lionel Messit luajti rol kyç.
Messi i ka shënuar 20 gola në 11 ndeshje kundër Eibarit gjatë karrierës së tij, por të martën nuk qe në gjendje të paraqitej për Barcelonën për shkak të një lëndimi.
Skuadra e Ronaldo Koeman shpërdoroi shumë mundësi dhe u detyrua të pajtohej me një pikë.
Martin Braithwaite e humbi penalltinë para se Kike Garcia t’i kalonte vizitorët në epërsi. Por Ousmane Dembele e barazoi rezultatin për Barçën.
Eibar nuk kishte fituar pikë kundër Barcelonës në Camp Nou kurrë më parë.
“Më në fund e fituam një pikë këtu, një pikë që ta ofron ndjesinë e fitores”, tha trajneri i Eibarit.
“Mendoj se ishim me fat, një penallti e humbur nga kundërshtari, dhe ne shënuam gol nga mundësia e vetme që e kishim”, shtoi ai.
“Atyre u mungoi lojtari më i mirë ën botë, pra Messi. Sa herë që vinim këtu, ai i shënonte nga dy gola. Sot ai nuk ishte këtu”.
(Kosova Sot Online )
