Pochettino “shumë i lumtur” me Mbappen pavarësisht që nuk po shënon

Menaxheri i Paris Saint-Germain ka insistuar se ai është i lumtur me paraqitjet e sulmuesi që janë duke u kritikuar më të madhe në Francë

Trajneri i Paris Saint-Germain, Mauricio Pochettino e ka mbrojtur Kylian Mbappen nga akuzat dhe kritikat që ai e ka humbur fokusin dhe nuk është në formë.

Ylli i Francës Mbappe ka shënuar vetëm dy herë në shtatë ndeshje në të gjitha garat deri me tani, pasi që kishte shënuar nëntë gola në nëntë ndeshjet e para të sezonit.

“Jam shumë i lumtur me formën e Kylianit”, tha Pochettino në konferencë për shtyp. “Ai është një lojtar i rëndësishëm për ne. Ai po përpiqet shumë për skuadrën. Jam shumë i lumtur me përpjekjet e tij dhe involvimin e tij kundër Marseille”.

“Si me të gjithë të tjerët, ne po shikojmë t’i përmirësojmë por jam i lumtur me përpjekjet e Mbappes dhe përkushtimin e tij. Ai ka luajtur 90 minuta në tri ndeshje (prej që ka ardhur Pochettino), në të cilat unë jam i kënaqur më mënyrën si është”.

“Pritet shumë prej tij dhe ai është në fokus, por siç kam thënë, jam shumë i kënaqur me të, gjatë gjithë kohës, ku ai do të shënojë më shumë gola dhe do të këtë më shumë asiste”.

I pyetur nëse Mbappe ka nevojë për pushim që ta rikuperojë top formën, Pochettino tha: Ka shumë mite për mënyrën se si ju i menaxhoni lojtarët në një skuadër në kushte të aspektit fizik.

“Vendimet tona bazohet për më të mirën e lojtarit. Mbappe ka luajtur në të tria ndeshjet kur kam ardhur unë sepse ai është mirëq. Do të përmirësohet sa më shumë që do të luanë”.

(Kosova Sot Online)