Man United i shkon Liverpoolit me synim për ta rritur epërsinë në krye të Premierligës

  • A.P /
  • 17 janar 2021 - 16:52
Man United i shkon Liverpoolit me synim për ta rritur epërsinë në krye të Premierligës

Manchester Unitedi do të përballet me Liverpoolin sonte në Anfield, në një betejë të shumëpritur, e cila nis në orën 17:30.

Do të jetë një luftë mes të parit dhe të tretit në tabelën e Premierligës, me Unitedin që do të kërkojë të qëndrojë mbi Liverpoolin dhe ta rrisë epërsinë ndaj vendit të dytë, Leicester City.

Derisa Ole Gunnar Solskjaer nuk përballet me ndonjë mungesë të madhe, Jurgen Klopp nuk do të mundë të llogarisë në disa lojtarë kyçë.

Virgil van Dijk, Joe Gomez, Diego Jota dhe Naby Keita mungojnë për Liverpoolin shkaku i lëndimeve.

Klopp i ka dhënë mundësinë e titullarit kosovarit Xherdan Shaqiri – i cili para pak më shumë se dy vjetëve shkëlqeu kundër Unitedit duke ia siguruar fitoren Liverpoolit me dy golat e tij në Old Trafford.

Solskjaer ka vendosur të luajë me Paul Pogban nga fillimi në mesfushë, i cili do të mbështet nga Fred dhe Bruno Fernandes.

(Kosova Sot Online)