Arsenali pa takat në sfidën e parë, gjithçka vendoset në “Emirates”
Çështja e kualifikuesit në fazën tjetër të Europa League mes Benficas dhe Arsenalit do të vendoset në Emirates.
Sfida e parë në Portugali është mbyllur 1-1 me Arsenalin që u mundua me të gjitha mënyrat që të fitojë dhe të kryejë gjysmën e punës sonte, por pa sukses.
“Topçinjtë” e pan veten në disavantazh, në minutën e 55-të, vendasit fituan një penallti të cilën e konkretizoi në gol Pizzi.
Por, gëzimi i tyre zgjati shkurt, Saka shënoi për 1-1 në minutën e 57-të të ndeshjes dhe ky rezultat mbeti deri në vërshëllimën e fundit të gjyqtarit. Sfida e kthimit do të zhvillohet javën e ardhshme në stadiumin Emirates.
(Kosova Sot Online)