I mërzitur nga kolona, Ibrahimovic la veturën dhe udhëtoi me motor me një tifoz për në festival
Zlatan Ibrahimovic është i njohur për improvizimin kur bëhet fjalë për gjetjen e metodave të reja të shënimit të golave.
Sidoqoftë, të enjten, sulmuesi i AC Milan kishte improvizuar në një mënyrë tjetër kur e gjeti veten të bllokuar në trafik gjatë rrugës për në një festival të muzikës italiane.
Gjatë gjithë javës, Ibrahimovic ka qenë mysafir special në Festivalin e Muzikës Sanremo, konkursi më i njohur dhe më i vjetër në Itali i këngëve, i cili besohet të ketë qenë frymëzimi për Eurovision Song Contest.
Ndërsa u përball me vonesën, në vend të panikut, sulmuesi suedez në vend të kësaj realizoi një udhëtim me një civil duke hipur në një motor.
“Pas tre orësh në makinë i thashë shoferit tim që të hapte derën për të më lëshuar,” shpjegoi Ibrahimovic në skenë.
“Unë ndalova një motoçiklist dhe e pyeta:” A mund të më çoni në Sanremo? ” Për fat të mirë ai ishte një tifoz i Milanit. Kur arritëm këtu ai më tha: ‘Kjo ishte hera ime e parë në autostradë.’ Kam videon! “
(Kosova Sot Online)