Lexoni edhe:
Futbollisti Robinho dënohet me 9 vjet burgim për përdhunimin dhe turpërimin e 23-vjeçares
“U frikësua nga topi” – Ronaldo fajësohet për eliminimin e Juventusit nga Liga e Kampionëve
Cristiano Ronaldo ka marrë shumë kritika për eliminimin e Juventusit nga Liga e Kampionëve të martën kundër Portos.
Në një ndeshje drithëruese në 1/8 e finales në Torino, Porto ia doli ta eliminoi kampionin italian megjithëse luajti me një lojtar më pak për më shumë se një orë, falë golave si mysafir, pasi rezultati i përgjithshëm ishte 4:4.
Fabio Capello, Alessandro Del Piero dhe Paolo Condo e kritikuar Ronaldon, njeriun që Juventusi e solli me shumë bujë para tri vjetëve për t’ia fituar trofeun e shumëkërkuar evropian, për dështimin e sivjetshëm.
Ish-trajneri i Milanit, Real Madridit dhe Anglisë Capello e kritikoi portugezin për vendosjen në murin mbrojtës te goli i Sergio Oliveira në çastet e fundit të ndeshjes.
Sipas tij, Ronaldo kishte frikë se do goditej nga topi dhe e lejoi topin t’i kalojë nën këmbë para se të përfundonte në rrjetë.
“Ronaldo kërceu dhe e ktheu shpinën. Kushdo që vendoset në murin mbrojtës nuk duhet të frikësohet se topi do ta godasë. Është gabim i pafalshëm dhe nuk mund të arsyetohet”, tha Capello.
Ndërsa, legjenda e Juventusit Del Piero ishte më i butë me portugezin.
“Ronaldo ka përgjegjësi, natyrisht. Ai nuk pati shumë raste shënimi, por e humbi një mundësi të mirë me kokë nga një pozitë prej të cilës ai shënon gjithmonë. Ai nuk mund të jetë fajtori i vetëm i dështimit të Juves. Juventusi luajti me një lojtar më shumë për më shumë se një orë”.
Gazetari Paolo Condo, i cili ishte në panelin e njëjtë me Capellon dhe Del Pieron, ishte i drejtpërdrejt.
“Cristianon e blenë për të garuar në nivelin më të lartë në Ligën e Kampionëve. Në dy sezonet e kaluara ekipi dështoi, këtë herë dështoi edhe Ronaldo. Para ndeshjes e pyeta Paraticin për rinovimin e tij, mendoj se në këtë çast ai do të ma jepte një përgjigje negative”.
(Kosova Sot Online )
