Lexoni edhe:
Neymar dhe Mbappe janë parisienë dhe s’do të largohen kurrë, thotë shefi i PSG-së
Ylli i Interit i nënshtrohet operacionit në gju
Mesfushori i Interit, Arturo Vidal, do t’i nënshtrohet një operacioni në gjurin e majtë të premten.
Përfaqësuesi i Kilit vuan nga dhimbjet në gjurin e majtë dhe zikaltrit njoftuan se ish-lojtari i Juventusit, Bayern Munich dhe Barcelonës duhet të operohet.
33-vjeçari i ka zhvilluar 23 ndeshje në Serie A që prej se iu bashkua Interit në verën e kaluar dhe luajti vetëm 52 minuta në fitoren e zikaltërve 1:0 kundër Atalantës të hënën.
Vidali mungoi kundër Lazios më 14 shkurt për shkak të dëmtimit në gju dhe i luajti vetëm 32 minuta në total në tri ndeshje, kundër Milanit, Genoas dhe Parmës para se të rikthehej titullar kundër Atalantës.
Megjithatë, mesfushori veteran duhet të operohet dhe pritet të mungojë rreth një muaj.
(Kosova Sot Online )
