Policia shqiptare nuk ofron masa sigurie për takimin Shqipëri-Angli, ndeshja mund ta anulohet

  • S.A /
  • 25 March 2021 - 14:38
Policia shqiptare nuk ofron masa sigurie për takimin Shqipëri-Angli, ndeshja mund ta anulohet

aos para ndeshjes me Anglinë, e parashikuar për t’u zhvilluar me 28 mars, në “Air Albania”.

Federata Shqiptare e Futbollit e ka marrë një shkresë nga Policia e Tiranës, ku shkruhet se nuk merr përsipër mbarëvajtjen e ndeshjes.

Në këto kushte ka reaguar qeveria e futbollit, që u kërkon institucioneve përkatëse të reagojnë urgjent për lirimin e hapësirave në perimetrin e stadiumit, për të shmangur anulimin e ndeshjes, që do të kishte pasoja të rënda në imazhin e vendit.

Reagimi i FSHF-së:

“Sot, në Federatën Shqiptare të Futbollit ka mbërritur një shkresë nga Drejtoria Vendore e Policisë Tiranë, me firmën e Drejtuesit të Parë, Rebani Jaupi, e cila thekson se strukturat e Drejtorisë Vendore të Policisë Tiranë nuk garantojnë marrjen e masave para, gjatë dhe pas zhvillimit të ndeshjes Shqipëri-Angli, në datë 28 Mars 2021, ora 18:00.

Gjendur përballë situatës, ku autoritetet shtetërore nuk kanë reaguar pas kërkesës së Federatës Shqiptare të Futbollit, të datës 17.03.2021, me numër protokolli 538, drejtuar Znj. Dallëndyshe Bici, Drejtuese e Inspektoriatit Kombëtar të Mbrojtjes së Territorit dhe Z. Mariglen Qato, Drejtues i Inspektoriatit Urbanistik Vendor Bashkisë Tiranë, për lirimin e hapësirave në perimetrin e Stadiumit Kombëtar “Air Albania”, kërkojmë reagim urgjent të këtyre strukturave.

Anulimi i ndeshjes Shqipëri-Angli e parashikuar për t’u luajtur në “Air Albania Stadium”, do të kishte pasoja katastrofike për imazhin e vendit tonë, ekipin Kombëtar dhe në përgjithësi për futbollin shqiptar.”

 

Image

(Kosova Sot Online )