Milani i ofron kontratë dy vjeçare futbollistit të Interit

  • G.G /
  • 16 April 2021 - 16:37
Milani i ofron kontratë dy vjeçare futbollistit të Interit

Milani thuhet se i ka ofruar mbrojtësit anësor të Interit, Danilo D’Ambrosio një marrëveshje dy-vjeçare.

Rossonerët janë në bisedime me 32-vjeçarin, të cilit i skadon kontrata me Interin në korrik.

Marrëveshja e mbrojtësit skadon pas sezonit dhe raporti pretendon se Interi është i gatshëm t’i ofrojë atij vetëm një marrëveshje njëvjeçare në Pinetina.

Por, reprezentuesi italian ka një opsion në rivalët e tyre të drejtpërdrejtë Milan, të cilët kanë bërë një marrëveshje për dy sezonet e ardhshme.

D’Ambrosio u transferua në Inter nga Torino në janar 2014 për 3.79 milionë euro dhe që atëherë ka luajtur 229 ndeshje, duke shënuar 20 gola dhe duke bërë 17 asistime në këtë proces.

Ish-lojtari i Fiorentinas është shfaqur 15 herë në Serie A këtë sezon, duke kontribuar me tre gola deri më tani.

(Kosova Sot Online)