Capello zbulon sesi e bleu Roberto Carlosin në Real Madrid brenda vetëm 24 orëve

Fabio Capello ishte trajner i Real Madridit kur Roberto Carlos iu bashkua Madridit nga Interi në verën e vitit 1996 dhe tani ka zbuluar sesi ndodhi transferimi i tij. Ish-mbrojtës i majtë brazilian ishte i pakënaqur që në Inter po luante jashtë pozitës së tij. Kur Capello kishte mësuar se braziliani dhe klubi ishin të gatshëm ta pranonin transferimin, ai e shfrytëzoi mundësinë. “Nuk mund ta besoja. Giovanni Branchini më tha se do ta shisnin atë dhe unë thashë me vete: ‘Si mund Interi ta shesë Roberto Carlosin?’ Për shkak se nuk e besoja, ata ma dërguan një faks me çmimin e lojtarit, i cili nuk ishte i papranueshëm. I telefonova presidentit të Real Madridit, Lorenzo Sanz, dhe i thashë të fluturonte drejt e në Milano. Ia shpjegova se të gjithë klubet italiane do të turreshin sapo të dilte lajmi për të”, tregoi ai.

Lexoni edhe:

Wengeri i quan budallenj lojtarët e PSG-së, pas humbjes kundër Man City

“Deri në orën 23:00, kontrata ishte e gatshme. Në më pak se 24 minuta”, shtoi ai.

Capello pastaj u tall me peshën trupore të brazilianit, tani kur ai po e shijon jetën si analist i futbollit.

“Nuk do ta kisha blerë nëse do të ishte i trashë sa tani”, tha Capello me shaka. 

(Kosova Sot Online )