Lexoni edhe:
Mike Tysonit i ofrohet shansi i ‘çmendur’ që të luftojë për titull në moshën 54 vjeçare
Skena të frikshme nga mundja japoneze, ‘Sumo’: Hibikiryu vdes nga lëndimi në kokë
Një mundës japonez sumo ka vdekur pasi ra me kokë në dysheme gjatë një përballje, derisa ka ngjallur kritika për intervenimin e vonshëm mjekësor.
Hibikiryu ndërroi jetë nga dështimi akut të frymëmarrjes, bëri të ditur Shoqata Japoneze Sumo. Mundësi, emri i vërtetë i të cilit ishte Mitsuki Amano, u hodh në dysheme nga kundërshtari i tij gjatë një një përballje. Video e kësaj sfide tregoi se ai ra në dysheme me kokë dhe u shtri me fytyrë për disa minuta ndërsa zyrtarët e sumos shikonin dhe prisnin mjekët për të arritur. Në një barelë, mundësi ishte i vetëdijshëm dhe u tha zyrtarëve të sumos se ai ndjente që trupi i tij i poshtëm ishte i paralizuar, por gjendja e tij ishte përmirësuar në spital.
Shoqata Japoneze Sumo bëri të ditur se ishte e panjohur nëse vdekja e Hibikiryu kishte lidhje me lëndimin e tij. Ai tha se detajet e dëmtimit, përfshirë nëse ai pësoi paralizë, nuk mund të injoroheshin. Nuk kishte asnjë koment të menjëhershëm nga familja e tij.
Sipas raportimeve të mediave japoneze, nuk kishte ekspertë mjekësorë që i qëndronin pranë për t’i dhënë atij trajtim të ndihmës së parë. Zakonisht mundësit pritet të ngrihen vetë, ndërsa ekspertët mjekësorë janë në vendin e turneut, por nuk qëndrojnë pranë unazës. Zyrtarët e Sumos po diskutojnë mënyra për të përmirësuar përgjigjen mjekësore të urgjencës, duke përfshirë mënyrën e trajtimit të tronditjeve, në periudhat e ardhshme, bëri të ditur shoqata japoneze.
1 / 1
(Kosova Sot Online )
