Lexoni edhe:
NBA: Phoenix Suns e fitojnë dramën ndaj Cavaliers
Klubet turke e duan Muriqin
Sulmuesi kosovar pritet të largohet gjatë verës nga Lazio, mund të rikthehet në Superligën turke
Vedat Muriqi nuk ka arritur të lërë gjurmë në futbollin italian. Zbulohet këshilla që Zidane ua ka dhënë lojtarëve të tij para ndeshjes së sotme me Chelsean. Sulmuesi kosovar ka përfunduar shpesh në bankinë tek Lazio, por edhe atëherë kur i është dhënë rasti nuk e ka treguar veten.
Për këtë arsye, mediat italiane raportojnë se përfaqësuesi kosovar mund të largohet nga kryeqyteti italian në fund të sezonit. Dhe, për 27 vjeçarin spekulohet se mund të rikthehet në futbollin turk.
Prizrenasi luajti me sukses në Rizespor dhe Fenerbahçe para se të përfundonte në Serie A. Mediat turke raportojnë se dëshira e futbollistit është të rikthehet tek Fenerbahçe. Mirëpo, në garë për sulmuesin shtatlartë është futur edhe klubi tjetër nga Stambolli, Besiktas. Ky klub e ka bërë gati një ofertë, me të cilën do të mundohet ta bind Lazion që t’ia shesë futbollistin e padobishëm. Por, pasi çmimi i kartonit të lojtarit është i shtrenjtë, Besiktasi po e mendon edhe planin për huazimin e tij. Deri në fund të sezonit aktual kanë mbetur edhe pak javë. Më pas do të zbulohet përfundimisht e ardhmja e Vedat Muriqit.
(Kosova Sot Online )
