Lexoni edhe:
Juventusi i gatshëm të shesë Ramseyn dhe Demiralin
Nuk lejohet hyrja në Wembley, nëse tifozët nuk kanë dëshmi se janë vaksinuar apo janë negativ me coronavirus për Euro 2020
Dëshmitë e vaksinimit do të përdoren në Wembley si një nga mënyrat për të lejuar tifozët të ndjekin ndeshjet në Euro 2020, ka thënë UEFA.
Përkrahësve do t’u kërkohet të tregojnë dëshmi të vaksinimit të plotë kundër coronavirusit ose një test negativ për COVID-19 brenda 48 orëve të mëparshme para se të pranohen në stadium, i cili pritet të presë të tre ndeshjet në grup të Anglisë këtë muaj – përfshirë përballjen e tyre me Skocinë më 18 qershor.
Ndeshja e tyre e parë do të jetë kundër Kroacisë të dielën, që do të jetë hera e parë ku do të përdoren dëshmi për testin negativ ndaj coronavirusit, e për të vërtetuar këtë do të përdorin aplikacionin NHS – ose shërbimet rekord të vaksinimit skocez ose Uellsit – për të treguar se kanë kaluar të paktën dy javë që kur ata kishin dozën e tyre të dytë.Rreth 22,000 tifozë morën pjesë në finalen e Kupës FA muajin e kaluar, duke kërkuar dëshmi nga stafi organizues të një testi negativ për COVID-19.
Çdokush nga mosha 11 vjeç e lart do të duhet të dëshmojë se është plotësisht i vaksinuar ose ka testuar negativisht për COVID-19, kjo e fundit tregohet nga një tekst ose email nga NHS Test. Dëshmitë e mëparshme të shikuesve në Wembley, përfshirë finalen e Kupës FA, u kërkuan tifozëve që të bënin një test negativ, por statusi i tyre i vaksinimit nuk ishte një opsion.
Wembley do të jetë me kapacitet 25% – 22,500 njerëz – për ndeshjet në grupe të Anglisë më 13, 18 dhe 22 qershor. Këtë vit, Eurot po luhen në të gjithë kontinentin – me Wembley që është vetëm një nga 11 stadiumet pritëse.
(Kosova Sot Online )
