Skandal i madh tek kombëtarja e Francës, Dembele ofendon punëtorët e hotelit në baza racore, Griezmann i buzëqeshur
Një video e dalë në media sociale ka “shpërthyer” një skandal të fundit tek kombëtarja e Francës.
Video duket se tregon yllin e Barcelonës dhe Francës, Ousmane Dembele duke u tallur me njerëzit aziatikë për shkak të pamjes së tyre.
Klipi i shkurtër tregon tre punëtorë, që besohet të jenë teknikë hotelieri, të mbledhur rreth një ekrani TV duke u përpjekur ta fusin atë në punë.
Dembele dyshohet se është ai që filmon ata në aplikacionin e mediave sociale ‘Snapchat’, brenda të cilit duket edhe Griezmann, madje duke qeshur.
Anësori i ri pretendohet të tallet me pamjen e burrave aziatikë, së bashku me ‘përparimin teknologjik’ të supozuar të vendit të tyre.
Dembele duket se i thotë Griezmann: “Të gjitha ato fytyra të shëmtuara vetëm për të na krijuar neve PES-in (lojë në Sony Playstation e krijuar nga japonezët), a nuk turpërohen!”, tha ai.
Ai më pas e afron fytyrën e aziatikut duke thënë:
“Çfarë lloj gjuhe e prapambetur është ajo!?”, shtoi ai.
“Oh zot! Shiko çfarë fytyre! Ju duhet te zhvilloheni si shtet apo jo!?”, u shpreh Dembele.
(Kosova Sot Online)