Pamje: Asisti mahnitës i Neymarit për golin që e çoi Brazilin në finale të Kupës së Amerikës

Neymari ishte mbase lojtari më meritor që Brazili e arriti finalen e Kupës së Amerikës për herë të dytë radhazi, pasi i vetëm e përgatiti golin e triumfit të shënuar nga Lucas Paqueta.

Brazili e siguroi një vend në finale të Kupës së Amerikës për herë të dytë radhazi, pasi e mundi 1:0 Perunë në gjysmëfinale të hënën mbrëma.

Paqueta ishte ai që e shënoi golin e fitores, pasi Neymari e kreu gjithë punën i vetëm duke i dribluar disa lojtarë të Perusë në zonë, para se t’ia pasonte topin mesfushorit, të cilit iu desh vetëm ta fusë atë në rrjetë nga afërsia. Kjo fitore i jep mundësi skuadrës së Tites ta fitojë Kupën e Amerikës për herë të dytë radhazi kur të takohet në finale me Argjentinën apo Kolumbinë më 10 korrik në Maracana.

Lexoni edhe:

Sot dita e Prishtinës: Kampioni i Kosovës takohet me Ferencvarosin në fazën kualifikuese të Ligës së Kampionëve

Brazili e mbizotëroi Perunë për pjesën më të madhe të ndeshjes, veçanërisht gjatë 45 minutave të parë.

Paqueta e theu akullin për t’i dhënë epërsinë brazilianëve kur shënoi nga afërsia në minutën e 35-të, pasi u shërbye nga Neymari në zonë.

Skuadra e Ricardo Garecas i bëri trysni Selecaos në pjesën e dytë, por i mungoi cilësia e duhur përpara për ta gjetur golin e barazimit.

 

Brazili mund të ëndërrojë për titullin e dytë radhazi në Kupën e Amerikës kur të takohet në finale më 10 korrik me fituesin e gjysmëfinales së sotme mes Argjentinës dhe Kolumbisë.

(Kosova Sot Online )