Prishtina arrin fitore të madhe në Conference League, vazhdon të ëndërrojë

  • A.P /
  • 05 gusht 2021 - 22:15
Prishtina arrin fitore të madhe në Conference League, vazhdon të ëndërrojë

Prishtina vazhdon të ëndërrojë në Europa Conference League.

Prishtina e ka fituar ndeshjen e parë të rrethit të tretë kualifikues në Europa Conference League, duke e mundur 2-1 skuadrën e Bodo/Glimt në “Fadil Vokrri”.

Dy gola u shënuan në pjesën e parë, derisa të fitores Prishtina e realizoi në pjesën e dytë.

Të parët në epërsi kaluan mysafirët, me Berg që shënoi për 1-0 në minutën e 11-të.

Prishtina reagoi në minutën e 44’, Otto John realizoi për 1-1, rezultatin e pjesës së parë.

Në pjesën e dytë, Prishtina vazhdoi të shtynte përpara, duke mos iu frikësuar aspak norvegjezëve dhe kjo dha rezultat.

Në minutën e pas një tollovie, Lode e devijoi topin duke dërguar në portën e tij, për t’ia dhuruar fitoren Prishtinës.

Ndeshja e kthimit zhvillohet pas një jave në Norvegji dhe fituesi kalon në play-off, i cili është rrethi i fundit që siguron pjesëmarrjen në fazën grupore të garës së kategorisë së tretë në futbollin evropian.

Prishtina do ta shkruante historinë nëse e arrin play-off’in duke u bërë klubi i parë kosovar që arrin kaq larg në kualifikime për një garë evropiane. 


(Kosova Sot Online)