Lexoni edhe:
Rikthimi i reciprocitetit ndaj shtetit serb!
Solskjaer insiston ashpër, Ronaldo nuk do luajë çdo ndeshje!
Ole Gunnar Solskjaer ka thënë se Cristiano Ronaldo nuk do të luajë çdo ndeshje për Manchester United pasi ai duket se menaxhon minutat e sulmuesit.
Portugezi filloi me një avantazh me një gol kundër Neëcastle në debutimin e tij të dytë për klubin, duke treguar se mund të jetë e vështirë për trajnerin ta lërë atë jashtë formacionit të tij.
Por, norvegjezi këmbënguli se do të ketë lojëra që Ronaldo do të anashkalojë ndërsa duket se do ta mbajë 36-vjeçarin të freskët. Solskjaer u pyet nëse është e pamundur të lërë Ronaldon jashtë pas dygolëshit të portugezit në Old Trafford të shtunën.
“Gjëja me Cristianon është se ai kujdeset për veten aq shumë, saqë e di se do të shërohet shpejt dhe ai ka pasur një para-sezon”, ka shtuar trajneri i United. “Sigurisht që ka një lojë të martën (kundër Young Boys). Ne do të shohim se çfarë bëjmë. Por jo, nuk është e pamundur ta lini atë jashtë. Ai është 36 vjeç, Mason [Greenëood] është 19, kështu që është e njëjta gjë, unë duhet të menaxhoj minutat e tij, dhe unë gjithashtu duhet të menaxhoj minutat e një 36-vjeçari gjithashtu”.
Reprezentuesi portugez është kthyer në bazën stërvitore të klubit Carrington për vetëm një javë, por ardhja e tij tashmë ka detyruar disa lojtarë të United të ngrenë standardet e tyre.
(Kosova Sot Online )
