Ish futbollisti i njohur francez: PSG dështoi me transferimin e Sergio Ramosit

  • G.G /
  • 13 shtator 2021 - 09:33
Ish futbollisti i njohur francez: PSG dështoi me transferimin e Sergio Ramosit

Problemet fizike që po pengojnë Sergio Ramos të jetë në dispozicion të Mauricio Pochettino në PSG vazhdojnë të shkaktojnë shumë kritika.

I fundit që iu bashkua kritikave është ish futbollisti, Jerome Rothen, i cili tha se Ramos nuk ishte ide e mirë për PSG’në.

“Që kur mbërriti, është duke u rikuperuar. Lëndimi i shputës në fund të karrierës suaj është i tmerrshëm, sepse rrallë mund ta trajtoni siç duhet”, tha Rothen.

“Kur mbërriti, ne të gjithë thamë se Sergio Ramos do të ndryshonte mentalitetin e dhomës së zhveshjes me atmosferën e tij, por për momentin nuk është pozitiv. Ai do të duhet të kontribuojë më shumë për ekipin në fushë. Përndryshe, do të jetë e padobishme ta kesh atë. Nëse e vendosni veten në vendin e Kimpembe dhe Marquinhos, dua të them në nivelin individual të cilësisë, a janë ata vërtet inferiorë ndaj Sergio Ramos. Sot? Përgjigja është shumë e thjeshtë: jo. Sot kam përshtypjen se Sergio Ramos është një ide e keqe për PSG”, përfundoi ai.

(Kosova Sot Online)