Blerja e re e Barcelonës: “Mami dhe babi nuk mund t’i mbanin lotët”

Emre Demir , i cili nënshkroi për Barcelonën me një klauzolë lirimi prej 400 milionë eurosh, foli për mediat lokale.

Emre, i cili kishte periudha të vështira në fëmijërinë e tij, tha:

“Kam pasur ndjenja të papërshkrueshme. Babai im gjithashtu ëndërronte për këtë. Ne ishim së bashku ditë e natë për një vit. Kur u bë transferimi, babai im ishte shumë emocional dhe qau“.

Emre Demir tregoi historinë kur filloi në Superligën Turke, e cila është kategoria më e lartë e futbollit në Turqi:

“Babai im la punën e tij në Mersin dhe erdhi në Kayseri për mua. Ai kishte një punë të re me mundësitë e ofruara nga  klubi, Kayserispor. Ai më mbështeti shumë për zhvillimin tim“, theksoi ai për sakrificat e babait të tij.

“Përfaqësuesi im Ahmet Bulut nuk më njoftoi për proceset me Barcelonën. Ai telefonoi një ditë dhe më tha:  Ne po shkojmë në Stamboll, ju do të nënshkruani një ekip të madh. Për shkak të moshës kur të nonshkruaja duheshin edhe prindërit. Pastaj pashë emrin e Barcelonës në kontratë. Mami dhe babi nuk mund t’i mbanin lotët“, shprehet lojtari i ri i FC Barcelonës.

(Kosova Sot Online)