Gjuajtje me armë në ndeshje futbolli, tifozët e plagosin trajnerin, lojtarët ia mbathin me të katra nga fusha

  • S.A /
  • 01 nëntor 2021 - 10:40
Gjuajtje me armë në ndeshje futbolli,  tifozët e plagosin  trajnerin, lojtarët ia mbathin me të katra nga fusha

Tifozët e ekipit Huracan La Heras e kanë qëlluar me armë zjarri trajnerin kundërshtar gjatë një përleshjeje mes vete në një ndeshje të kategorisë së tretë të futbollit në Argjentinë.

Pamje të publikuara në rrjetet sociale shfaqin çastet kur lojtarët e Huracane dhe ata të ekipit kundërshtar Ferro de Generali Pico ia mbathin nga fusha me të katra dhe tifozët fshihen pas mureve, pasi u dëgjuan të shtëna armësh në provincën Mendoza, raporton Gazeta Express.

Mediat argjentinase raportojnë se trajneri i Ferro, Mauricio Romero, u plagos në krah nga të shtënat gjatë përleshjes mes grupeve të organizuara të tifozëve të Huracan.

Në video, Romero shihet duke e mjekuar plagën në krah, ndërsa klubi i tij lajmëroi më vonë se ai ishte dërguar në spital.

“Romero është mirë dhe jashtë rrezikut për jetë”, shkroi Ferro në Twitter.

Ndërkohë, Huracan tha se përleshjet e tifozëve mes vete po e shkatërrojnë klubin.

“Me vite të tëra familjet po përzihen nga fusha. Shpresojmë se të gjithë ata që po e dëmtojnë klubin do të largohen në mënyrë që tifozët e vërtetë të rikthehen”, shkroi Huracan në Facebook.

Ndeshja e Federal A League u pezullua në fund të pjesës së dytë kur Huracan po fitonte 3:1.

 

(Kosova Sot Online )