Lexoni edhe:
Veprim idiotesk dhe i shëmtuar nga Ibrahimovic ndaj Azpilicuetas – suedezi shpëtoi madje edhe pa u ndëshkuar
Futbollistët e Serbisë veshin fanella me mbishkrime nacionaliste dhe Kosovën e bëjnë Serbi, pas fitores ndaj Portugalisë
Futbollistët e Serbisë e festuan sigurimin e pjesëmarrjes në Kupën e Botës 2022, pas fitores kundër Portugalisë të dielën, të veshur në fanella që mbanin mbishkrime nacionaliste.
Për më tepër, në një hartë serbe në fanellat e tyre, ata e paraqesin Kosovën si pjesë të Serbisë.
“Le të valëvitë flamuri i Serbisë nga Prizreni deri në Rumije (Mal të Zi)”, ishte mbishkrimi në fanellat e tre futbollistëve serbë që pozuan duke i ngritur lart tre gishta pas fitores 2:1 kundër Portugalisë në Lisbonë.
Ky mbishkrim në fanellate tyre është nga një këngë nacionaliste, e cila ishte himni i protestave të kishës në Malin e Zi në shtator.
Ceremonia e shugurimit të kreut të Kishës Ortodokse Serbe, metropolitit Joanikije në Cetinje në Mal të Zi, u shoqërua me trazira të shumta. Ceremonia në Cetinje i kishte zemëruar malazezët, të cilët e vlerësuan atë si fyerje ndaj vështirësive të Malit të Zi për sovranitet dhe pavarësim nga Serbia, pjesë e së cilës ishte nga fundi i Luftës së Parë Botërore deri në vitin 2006.
Serbia e mposhti 2:1 Portugalinë midis Lisbonës të dielën, duke e siguruar pjesëmarrjen në Kupën e Botës 2022.
Serbia udhëtoi drejt Lisbonës e vetëdijshme se një fitore do t’ia fitonte Grupin A dhe rrjedhimisht do t’ia siguronte një vend në Katar 2022.
Kombëtarja serbe e fitoi Grupin duke i mbledhur 20 pikë nga tetë ndeshje, ndërsa Portugalia ngeli e dyta me 17 pikë.
Portugezët me Cristiano Ronaldon në krye do të kërkojnë një vend në Botëror përmes play-off’it.
Reanto Sanches e kaloi Portugalinë në epërsi pas vetëm dy minutave lojë dhe u duk sikur ish-kampioni i Evropës e kishte vulosur tashmë kualifikimit, duke e ditur se i mjaftonte edhe barazimi.
Pas shumë përpjekjeve, Dusan Tadic e barazoi rezultatin për Serbinë në minutën e 33-të, kur shënoi me një goditje rreth 18 metra largësi.
Alexander Mitrovic ia këputi këmbët portugezëve dhe e çoi Serbinë në Botëror me një gol në minutën e 90-të, i asistuar nga Tadic
(Kosova Sot Online )
