Ibra i kërkon Milanit kontratë të re

  • S.A /
  • 06 December 2021 - 10:11
Ibra i kërkon Milanit kontratë të re

Zlatan Ibrahimovic është i gatshëm për ta kaluar një tjetër sezon në fanellën e Milanit.

Sulmuesit suedez do t’i skadojë kontrata aktuale në fund të këtij edicioni.

Mirëpo, 40 vjeçari nuk e ka ndërmend të pensionohet nga futbolli.

Ai ndihet mirë dhe i gatshëm për ta zhvilluar edhe një sezon në nivele të larta.

Prandaj, ai po iu jep shenja drejtuesve të klubit për ta vazhduar bashkëpunimin deri në vitin 2023.

“Unë ndiej sikur kontrata ime nuk përfundon kurrë. Le t’i bëjmë presion bordit të klubit për ta vazhduar kontratën”, thotë Ibra duke qeshur për “Che tempo che fa”.

“Shpresoj që të qëndroj dhe të luaj për Milanin përgjithmonë”, përfundoi Ibrahimovic.

Ai është duke e kaluar eksperiencën e dytë në Milan, ndërsa konsiderohet si njëri prej sulmuesve më të mirë në Evropë në dy dekadat e fundit.

(Kosova Sot Online )