United paguhet nga fanellat stërvitore më shumë se Inter dhe Milan bashkë nga fanellat kryesore

Pabarazia në fuqinë financiare u zbulua sot me raportimet se marrëveshja e re e sponsorizimit të kompleteve stërvitore të Manchester United vlen po aq sa sponsorët e fanellave të Milanit dhe Interit së bashku.

Sipas The Athletic, marrëveshja është arritur me një platformë blockchain të kriptomonedhave me bazë në Nju Jork të quajtur Tezos.

Kjo do të jetë me vlerë 24 milionë euro në vit vetëm për të pasur emrin e tyre në pajisjet stërvitore të përdorur nga lojtarët e Manchester United, jo gjatë ndeshjeve.

Calcio e Finanza thekson se sa shumë kanë fituar para Manchester United dhe klubet e tjera të Premierligës në krahasim me ato të Serie A.

Interi fiton 16 milionë euro plus bonuse në vit për marrëveshjen e sponsorizimit të fanellave të ditës së ndeshjes me Socios, ndërsa Milani merr 10 milionë euro plus bonuse nga Fly Emirates.

Të marra së bashku, kjo është 26 milionë euro, pak më shumë se shifra që Manchester United do të marrë vetëm për sponsorizimin e pajisjeve stërvitore

Sponsorët e Manchester United për ditën e ndeshjeve janë TeamViewer, në një marrëveshje me vlerë 55 milionë euro në vit.

(Kosova Sot Online)