Gramoz Vokrri konfirmon kandidaturën për kryetar të FFK-së përmes një deklarate

Gramoz Vokrri ka konfirmuar se do t’i futet garës për pozitën e kryetarit në Federatën e Futbollit të Kosovës.

Këtë ai e bëri të ditur para pak çastesh përmes një postimi në “Facebook”

Vokrri bëri të ditur se ka marrë mbështetje të konsiderueshme nga klubet kosovare të futbollit.

Tutje, ai tha se nesër në ora 11:00 do ta bëj deponimin e nënshkrimeve, nënshkrime këto që e bëjnë edhe zyrtarisht kandidat për kryetar të Federatës së Futbollit të Kosovës.

(Kosova Sot Online)