Celina i vendosur për ta ndihmuar Ipswichin, nuk pritet t’i bashkohet Kosovës

Trajneri i Ipswich, Kieran McKenna pret që futbollisti kosovar, Bersant Celina të qëndrojë me ta gjatë pushimit ndërkombëtar të javës së ardhshme, pavarësisht se Kosova ka miqësore kundër Burkina Fasos dhe Zvicrës.

McKenna thotë se Celina ka folur me Federatën e Futbollit të Kosovës dhe ka shprehur dëshirën e tij për të qëndruar në Suffolk, ashtu siç bëri gjatë ndeshjeve ndërkombëtare të nëntorit, për ndeshjen në shtëpi kundër kundërshtarëve të tjerë të play-off, Plymouth.

“Mendoj se ai ka pasur njëfarë komunikimi me federatën dhe e bëri të qartë se ai me të vërtetë dëshiron të qëndrojë javën e ardhshme dhe dëshiron të përfshihet në disa ndeshje të rëndësishme që ne kemi. Siç e kuptoj unë, ai do të qëndrojë me ne dhe do të jetë i disponueshëm gjatë dy javëve të ardhshme”, tha trajneri.

McKenna është një fans i madh i 25-vjeçarit të huazuar nga Dijon, të cilin e njeh prej disa kohësh.

“Më ka pëlqyer shumë të punoj me të, ai është një lojtar që e kam njohur që nga koha e tij si lojtar i ri në Manchester City. Ai është një lojtar që e njihja mirë edhe para se të vija këtu, duke punuar me të nga afër, siç mund ta shohin njerëzit në një ditë ndeshjeje, ai është një talent fantastik nga pikëpamja teknike, ai është një djalë që e do futbollin e tij, dëshiron të ketë topin në këmbët e tij, dëshiron të jetë në fushë dhe ta ketë topin në këmbët e tij gjatë gjithë kohës”, tha McKenna për yllin e Kosovës.

(Kosova Sot Online)