Kosova nuk e ftoi, Paqarada kundërpërgjigjet me një super-asistim në golin e fitores

Leart Paqarada po vazhdon me formën e mirë te St. Pauli në Bundesliga 2 të Gjermanisë.

Mbrojtësi kosovar edhe sonte ka dhuruar një asistim, në fitoren 1:0 ndaj Heidenheim.

Asistimin e Paqaradës, në gol e ktheu Daniel-Kofi Kyereh në minutën e 67-të.

Leart Paqarada sonte ishte kapiten te skuadra e tij dhe luajti tërë ndeshjen.

Për 27-vjeçarin ishte ky asistimi i nëntë në Bundesliga 2 këtë sezon. Vlen të theksohet se mbrojtësi nuk u ftua fare nga Alain Giresse te Kosova për ndeshjet miqësore të marsit, pavarësisht formës së mirë që po kalon këtë sezon.

Ndryshe, St. Pauli renditet i pari në tabelë me 51 pikë. 

(Kosova Sot Online)