Edhe dy klube nga Premierliga të interesuara për Rudigerin
Dy klube nga Premierliga raportohet se kanë shprehur interesim për Antonio Rudigerin, por emrat e këtyre klubeve nuk janë zbuluar.
Reprezentuesi gjerman pritet të largohet nga Chelsea si lojtar i lirë, pasi kontrata e tij skadon më 30 qershor.
Sipas “Sky Sports”, dy klube nga elita e futbollit anglez janë duke monitoruar situatën e Rudigerit. Mediumi nuk zbuloi emrat, por besohet se njëri prej klubeve të interesuara është Manchester United.
Ditë më parë është raportuar se 29-vjeçari ka arritur marrëveshje me Juventusin, por ende nuk ka diçka zyrtare.
Paris Saint-Germaini e Real Madridi gjithashtu nuk përjashtohen nga gara për të siguruar shërbimet e Rudigerit.
(Kosova Sot Online)