Mediumi i huaj e parashikon rezultatin e ndeshjes Zvicër – Kosovë

Zvicra dhe Kosova do të përballen mes vete në një ndeshje miqësore nesër.

Kjo do të jetë hera e parë që skuadrat e këtyre dy shteteve do të takohen me njëra tjetrën.

Mediumi “Sportsmole” që bën parashikime rreth ndeshjeve, këtë ndeshje e ka parashikuar si fitore të Zvicrës me rezultatin 3:1.

“Ndeshja e së martës do të jetë takimi i parë mes dy kombeve dhe me Zvicrën e renditur në vendin e 14-të në botë, mendojmë se nikoqirët kanë shumë cilësi në radhët e tyre, gjë që do t’i ndihmojë ata të arrijnë një fitore të rehatshme ndaj Kosovës në mesjavë”, thuhet në parashikimin e mediumit britanik.

(Kosova Sot Online)