Liverpooli shënon fitore të pastër ndaj Villarrealit

Liverpooli ka shënuar fitore ndaj Villarrealit në ndeshjen e parë gjysmëfinale në Ligën e Kampionëve.

Ndeshja e zhvilluar sonte në “Anfield Road” ka përfunduar me rezultatin 2:0

“Të Kuqtë” e dominuan plotësisht pjesën e parë, por nuk ia arritën të shënon gol.

Megjithatë, golat e fitores erdhën në pjesën e dytë, madje brenda dy minutave.

Pervis Estupinan shënoi fillimisht autogol në minutën e 53-të, teksa Sadio Mane e dyfishoi epërsinë pas dy minutave.

Ndeshja e kthimit mes këtyre dy skuadrave do të zhvillohet më 3 maj në “Estadio de la Ceramica”

(Kosova Sot Online)