Lexoni edhe:
Ibra mund të pensionohet në verë dhe të bëhet menaxher
Donnarumma ia jep lamtumirën Raiolas: Ishe unik, ta kam dhënë një premtim dhe do ta mbaj
Gianluigi Donnarumma ishte njëri prej yjeve të futbollit botëror që e kishte menaxher Mino Raiolan.
Italiani ndërroi jetë së fundmi në moshën 54 vjeçare, ndërsa njihet si njëri prej menaxherëve më të suksesshëm në histori të futbollit.
E portieri i Paris Saint-Germainit i ka shfrytëzuar rrjetet sociale për t’ia dhënë lamtumirën e fundit tashmë ish-menaxherit të tij.
“Jam aq i trishtuar sa që nuk mund ta përshkruaj me fjalë, nuk e di nëse mund t’i them të gjitha ato që dua. Mino, ishe unik për mua, të falënderoj që ishe përkrah meje kur isha djalë i ri e deri sot. E di se nga atje ku ja, do të qëndrosh gjithmonë duke më ndjekur dhe duke më këshilluar, siç ke bërë gjithmonë. Ta kam bërë një premtim kohë më parë, ti e di se do ta mbaj. Ta dua të mirën. Më mungon qysh tash”, ka shkruar ish-portieri i Milanit.
Mino Raiola i kishte nën menaxhim edhe yjet tjerë të futbollit botëror si Zlatan Ibrahimovic, Paul Pogba, Erling Haaland, Marco Verratti etj.
(Kosova Sot Online)
