Benzema pyetet për Mbappen, kjo është përgjigjja e tij
Karim Benzema ka refuzuar të komentojë vendimin e Kylian Mbappe për të qëndruar në Paris Saint-Germain.
Sulmuesi francez theksoi se ai është plotësisht i fokusuar në finalen e Ligës së Kampionëve të Real Madridit kundër Liverpoolit të shtunën.
I pyetur se çfarë do t’i thoshte bashkatdhetarit të tij për faktin se ai refuzoi ofertën e Real Madridit për të nënshkruar kontratë të re me PSG -në, Benzema tregoi se ky nuk është momenti për të diskutuar për të ardhmen e Mbappes.
“Unë do të thoja se [ Real Madrid ] do të luajë finalen e Ligës së Kampionëve dhe ky nuk është momenti për të folur për këto gjëra të vogla”, tha Benzema për Movistar +.
“Jo, [preferoj të mos flas]. Nuk jam i zemëruar. Jam i fokusuar në finalen e Champions League. Është më e rëndësishme ta bësh këtë sesa të dëgjosh gjëra të tjera”, përfundoi francezi.
(Kosova Sot Online)