Barcelona shumë afër marrëveshjes për transferimin e Raphinhas
Zhvillime të reja ka ndodhur sa i përket të ardhmes së Raphinhas.
Gazetari i besueshëm spanjoll, Gerard Romero, ka raportuar se tani Barcelona është afër një marrëveshjeje për transferimin e tij.
Sipas tij, Barça dhe Leeds United janë gati për të mbyllur marrëveshjen për Raphinhan.
Gazetari spanjoll ka zbuluar se Barcelona ka ofruar 60 milionë euro për transferimin e brazilianit.
Gjithashtu, klubi katalunas dhe Raphinha thuhet se kanë rënë dakord për një pagë prej 6 milionë neto në sezon.
Edhe dëshira e kamotshme e lojtarit është për t’u transferuar në “Camp Nou”, teksa ai besohet se kishte arritur marrëveshje personale me klubin nga La Liga para katër muajve.
Për 25-vjeçarin interesim serioz kanë shprehur edhe Arsenali e Chelsea, por Barcelona tani duket se po i prin garës për të siguruar shërbimet e tij.
Raphinha thuhet se së fundi refuzoi edhe një ofertë nga Newcastle United.
(Kosova Sot Online)