Bahtiri, Gavazaj dhe Tolaj nënshkruajnë me Malishevën

FC Malisheva ka prezantuar përforcimet e radhës.

Kreshnik Bahtiri, Alush Gavazaj dhe Bleart Tolaj janë përforcimet e radhës të skuadrës së drejtuar nga Arsim Thaqi

Mesfushori Bahtiri së fundmi ishte pjesë e Kukësit. 29-vjeçari më herët ka luajtur edhe te Ulpiana e Arbëria.

Gavazaj gjithashtu është mesfushor. Ai në gjysmësezonin e fundit ishte pjesë e Vëllaznimit.

27-vjeçari gjatë karrierës së tij ka luajtur edhe te klubet si: Bylis, Renova, Vushtrria, Feronikeli, Liria, Korabi, Tirana e Tërbuni.

Kurse, sulmuesi Tolaj në sezonin e fundit ishte pjesë e Prishtinës.

22-vjeçari më herët ka qenë pjesë e të rinjve të klubit kroat, Hajduk Splitt, teksa në Kosovë është aktivizuar edhe te Vëllaznimi. 

(Kosova Sot Online)