Dy klubet e njohura angleze në garë për Adnan Januzajn, i cili ka mbetur lojtar i lirë

Evertoni dhe West Ham Unitedi raportohet se po kërkojnë të rikthejnë Adnan Januzajn në Premierligë.

Reprezentuesi belg është futbollist i lirë që nga 30 qershori, pasi u largua nga Real Sociedadi me t’i përfunduar kontrata.

Januzaj shihet si rezervistë ose futbollist ideal për të shtuar konkurrencën te “Çekanët”, aty ku luan Jarrod Bowen.

Ndërkohë, Evertoni ka kohë që është në kërkim te një sulmuesi natyral të krahut të djathtë dhe 27-vjeçari është një nga alternativat.

Demarai Grey e Anthony Gordon kanë operuar në këtë pozicion te skuadra e Frank Lampardit, por që të dy janë sulmues të krahut të majtë.

Më herët është raportuar se Napoli ka shprehur interesim për Januzajn, por që deri më tani nuk ka asgjë konkrete.

(Kosova Sot Online)