Mbrëmë realizoi “hat-trick”, sot i vdiq një person i afërt heroit të ri të Ballkanit
Albion Rrahmani ishte mbrëmë hero i Ballkanit në fitoren e thellë ndaj La Fioritas me rezultat 6:0, në ndeshjen e kthimit të rrethit të dytë kualifikues të Conference Leagues.
Sulmuesi kosovar ishte protagonist i kampionit aktual kosovar pasi realizoi “hat-trick”.
Mirëpo, festa e tij u ndal në gjysmë, pasi i vdiq një person i afërt në familje.
Ishte vetë lojtari llapjan ai që e dha lajmin për vdekjen e gjyshes së tij, përmes një postimi në rrjetet sociale.
“Lamtumir loke. U prefsh n’paqe engjull”, ka shkruar sulmuesi i rrezikshëm.
Ai u bë lojtari i parë nga futbolli kosovar që shënon “hat-trick” në garat evropiane, ndërsa i kishte realizuar edhe dy gola në lojën e parë me La Fioritan, që i bie se deri tash i ka 5 gola në garat evropiane.
(Kosova Sot Online )
