Gashi e konfirmon largimin nga Ballkani

Kushtrim Gashi ka njoftuar për largimin e tij nga Ballkani, duke bërë të ditur se nga sot është futbollist i lirë.

Largimi i mesfushorit nga therandasit vije pas disa problemeve që kishte me trajnerin, Ilir Daja, shkruan Gazeta Express.

Gashi kaloi tre sezonet e fundit te Ballkani, teksa në sezonin e fundit e fitoi titullin e kampionit në Superligë.

Mes tjerash, 29-vjeçari ka falënderuar presidentin e klubit për korrektësinë, teksa edhe i ka kërkuar falje për situatën e krijuar para ndeshjeve evropiane.

Kushtrim Gashi theksoi se po largohet nga Ballkani duke thënë vetëm mirupafshim, por jo edhe lamtumirë.

Njoftimi i plotë nga Gashi (pa ndërhyrje):

“Te dashur qytetar te Suharekes , dhe ju tifoz të klubit FC Ballkani  desha te ju njoftoj se nga sot jam lojtar i lir.

Duke e faleminderuar Presidentin Arsim Kabashi ,per korrektsin e treguar per keto 3 vite , e ndjej obligim ti kerkoj falje per situaten qe ndodhi para ndeshjeve ne garant Europiane.

Po largohem pas 3 viteve të kaluara me koken lart duke dhen gjithqka nga vetja qdo stervitje , dhe qdo ndeshje pa ndalur as nje 1 minut të vetem deri sa arritem qëllimin që kishim se bashku duke u shpall kampion ne Superligen e Kosoves për her të par në historin e klubit.

Po largohem duke i faleminderur të gjith shoket me të cilet pata mundsin per kto 3 vite te sterviti me taa ,gjith qytetin e Suharekes per respektin e treguar dhe tifozet Xhebrailat 1992 .

Duke i deshiruar te gjitha sukseset e mundshme ne garat Europiane po largohem duke ju then vetem Mirupafshim por jo edhe Lamtumir”.

(Kosova Sot Online)