Lexoni edhe:
Pa kompromis me krimin, kjo qeverisje e re nuk guxon të largohet nga realizimi i interesave të popullit
Cristiano Ronaldo e ka prekur fundin në Manchester United. Ylli portugez ishte protagonist, por për të keq tek “Djajtë e Kuq”. Në fakt, ekipi nga “Old Trafford” e fitoi derbin e madh me Liverpoolin edhe pa të.
Trajneri Erik ten Hag e poshtëroi atë duke e inkuadruar në lojë mbrëmë vetëm 4 minuta pa përfunduar loja.
Pra, pesë herë fituesi i Topit të Artë luajti vetëm 240 sekonda, plus 5 minuta të kohës shtesë.
Ai kishte përfunduar në bankinë edhe në lojën e parë sezonale, ndërsa në atë të dytë ishte titullar, por nuk tregoi thuajse asgjë pasi nuk e ka më mendjen dhe fokusin në “Teatrin e Ëndrrave”.
37 vjeçari po e kërkon largimin nga Manchester United dhe i ka edhe 10 ditë kohë për ta bërë një gjë të tillë.
Ai po e do një klub në të cilin do të mundë të luante në Ligën e Kampionëve, një mundësi që s’ia ofron dot Man Utd.
Golat për “Djajtë e Kuq” mbrëmë i shënuan Sancho dhe Rashford, shkruan “Gazeta Express”.
Kjo mund të ketë qenë ndeshja e fundit, ose e parafundit për ish-futbollistin e Sporting Lisbonës, Real Madridit e Juventusit me Man Utd, në eksperiencën e tij të dytë.
(Kosova Sot Online )