Lexoni edhe:
Qeveria miraton Projektligjin për masa të përkohshme të produkteve themelore në treg
Prishtina nuk e pranon vendimin e FFK-së për ndalimin e ndeshjeve në “Fadil Vokrri”: Do të luajmë në stadium tonë
Gjatë ditës së sotme, Prishtina ka pranuar një letër nga Komisioni i Grave të FFK-së, ku shkruhej se nuk mund të luajnë në stadiumin “Fadil Vokrri”, ndeshjet e programuara për muajin tetor. “Ndalimi i zhvillimit të ndeshjeve të FC Prishtinës gjatë muajit tetor 2022”, shkruhej në letrën që i është dërguar klubit prishtinas, me të cilën këta t fundit nuk janë pajtuar aspak, duke thënë që shkresa e dërguar nga FFK është qesharake. Më poshtë reagimi i Prishtinës dërguar FFK-së, ku shkruhet se klubi nuk e pranon këtë shkresë, ndërsa i kërkon shtëpisë së futbollit kosovar, që të gjejë stadium për ndeshjet e Përfaqësueses U-17 dhe ndeshjet e FC Ballkanit në Ligën e Konferencës. Letra e plotë e FC Prishtinës shkruar FFK-së
Konfirmojmë marrjen e shkresës së datës 30.09.2022 me titull: “Gjendja e fushës në stadiumin “Fadil Vokrri”. Kësaj shkrese i mungon raporti i inspektimit, gjithnjë nëse një raport i tillë ekziston. Në fakt, mungesa e këtij raporti është e pritshme sepse në rastet e inspektimit konkluzioni logjik është fusha:
I plotëson kriteret për zhvillimin e ndeshjeve
Nuk i plotëson kriteret për zhvillimin e ndeshjeve
I plotëson kriteret me kusht të përmirësimit 1,2,3…
Shkresa e juaj lë të nënkuptohet se “raporti” i inspektimit të gjendjes së fushës konkludon se:
Fusha i plotëson kriteret nëse zhvillon ndeshje Përfaqësuesja e Kosovës U-17 dhe FC Ballkani, por nuk i plotëson kriteret nëse FC Prishtina zhvillon ndeshje në stadiumin e saj!. Prandaj, ne se klub vlerësojmë se shkresa e dërguar është qesharake dhe na vjen keq për situatën në të cilën ndodhet Federata e Futbollit e Kosovës.
Deri te gjendja e rënduar e fushës së stadiumit ka ardhur për shkak të mungesës së mirëmbajtjes dhe keq-shfrytëzimit të fushës nga ana juaj si lejimi i zhvillimit të ndeshjeve dhe stërvitjeve krejtësisht të panevojshme nga FFK dhe pa asnjë kriter të kategorive të ndryshme të klubeve të futbollit të rajoneve të tjera duke ndikuar në gjendjen e rënduar të fushës.
Në këtë situatë, është obligim i juaji që të gjeni alternativa të tjera për zhvillimin e ndeshjeve të Përfaqësueses U-17 apo FC Ballkanit, mirëpo jo në kurriz të FC Prishtinës gjë të cilën jeni duke e bërë në vazhdimësi.
Ju informojmë se FC Prishtina si shfrytëzues i vetëm ligjor i stadiumit “Fadil Vokrri”, nuk e pranon vendimin duke ju informon se ndeshjet do t’i zhvillojmë në stadiumin “Fadil Vokrri” sipas orarit të paraparë nga FFK-ja.
FC Prishtina sikurse ka vepruar më parë, është e gatshme që ta koordinojë orarin sipas kërkesave të FFK-së dhe FC Ballkanit, gjithsesi për një gjë të tillë, FFK-ja dhe FC Ballkani duhet të dërgojnë kërkesa zyrtare në mënyrë që t’i shqyrtojmë kërkesat tuaja e më pas të vendosim nëse këto ndeshje do të mund të zhvillohen në stadiumin “Fadil Vokrri”, gjithmonë duke mos u dëmtuar FC Prishtina.
Pozicioni jonë është i qartë dhe besojmë fuqishëm që ju si institucion përgjegjës dhe me kapacitet financiar më të madh se të gjitha klubet e Superligës së Kosovës së bashku, do ta gjeni zgjedhjen më të përshtatshme për problemet që ju shoqërojnë.
Me respekt, Bordi Drejtues i FC Prishtina
(Kosova Sot Online )
