Kësaj here FFK-ja pajtohet që Prishtina të luajë në “Fadil Vokrri”
Federata e Futbollit e Kosovës duket se është pajtuar që Prishtina ta luajë në stadiumin “Fadil Vokrri” ndeshjen e radhës në Superligën e Kosovës.
FFK-ja kishte kërkuar që të mos shfrytëzohet nga kryeqytetasit stadiumi në fjalë për muajin tetor, pasi u tha se gjendja e fushës nuk është e mirë dhe se nuk i plotëson kriteret për zhvillimin e ndeshje
Kjo kërkesë nuk u përfill nga Prishtina, e cila, megjithatë nuk ia doli ta zhvillonte ndeshjen e javës së nëntë, kundër Trepçës ’89 – pasi Komisioni i Garave vendosi pastaj për shtyrjen e kësaj ndeshje.
Në fundjavë do të zhvillohet java e dhjetë në Superligë dhe Prishtina sërish është nikoqire, ku të shtunën e pret Dukagjinin e Klinës.
FC Prishtina përmes faqes zyrtare e ka paralajmëruar zhvillimin e kësaj ndeshjeje, ashtu siç ka bërë edhe KF Dukagjini.
(Kosova Sot Online)