Caktohen gjyqtarët për ndeshjen Ballkani – Sivasspor

Ballkani dhe Sivasspori do të përballen mes vete edhe në raundin e katërt të Grupit G në Ligën e Konferencës.

Këto dy skuadra u takuan edhe në raundin paraprak, me kampionët e Kosovës që shënuan fitore me rezultatin 3:4

Ndeshja e dytë mes Ballkanit dhe Sivassporit do të zhvillohet të enjten (13 tetor), në stadiumin “Fadil Vokrri”, nga ora 21:00.

UEFA ka caktuar gjyqtarë nga Austria për të ndarë drejtësinë në këtë ndeshje.

Manuel Schuttengurber do të jetë gjyqtari kryesor, teksa ndihmësit e tij do të jenë Roland Brandner dhe Robert Steinacher.

Stefan Ebner është caktuar si gjyqtar i katërt.

Kujtojmë se të gjitha skuadrat e Grupit G kanë pikë të barabarta, por Ballkani është lider.

(Kosova Sot Online)