Barcelona shpreh interesim për mesfushorin e Benficas, i cili shihet si zëvendësues i Busuqetsit

  • A.P /
  • 12 October 2022 - 19:40
Barcelona shpreh interesim për mesfushorin e Benficas, i cili shihet si zëvendësues i Busuqetsit

Barcelona raportohet se është e interesuar për mesfushorin, Enzo Fernandez.

Klubi katalunas është në kërkim të një zëvendësuesi për Sergio Busquetsin, i cili pritet që të largohet nga “Camp Nou” pas përfundimit të këtij sezonit

Dhe, sipas mediave spanjolle, Barcelona e ka identifikuar Fernandezin si zëvendësuesin ideal të spanjollit.

Përfaqësuesit e klubit thuhet se e kanë vëzhguar mesfushorin e Benficas në ndeshjen e fundit kundër Paris Saint-Germainit, në Ligën e Kampionëve.

Te Barça thuhet se u pëlqen aftësia e argjentinasit për të luajtur me sistemin që aplikon Xavi.

Duhet theksuar se për 21-vjeçarin interesim ka shprehur edhe Liverpooli.

Enzo Fernandez ka kontratë të vlefshme me Benfican deri më 30 qershor 2027.


(Kosova Sot Online)