Lexoni edhe:
Për buzëqeshje të bardhë: Ja si të hiqni gurët nga dhëmbët
Uruguaiit nuk i prin fati, ndalohet nga Koreja e Jugut
Përfaqësuesja e Uruguait dhe ajo e Koresë së Jugut kanë luajtur baras 0-0 në ndeshjen e vlefshme për Grupin H, transmeton "Kosova Sot Online".
Pjesa e parë e takimit u karakterizua me lojë të barabartë, me të dyja kombëtaret që patën rastet e veta.
Koreja e Jugut rrezikoi e para me anë të Ui-jo Hwang (34’), ndërsa Uruguai me Diego Godin (43’), por goditja e të parit shkoi pak mbi traversë, ndërsa e të dytit u ndal nga shtylla.
Në pjesën e dytë, u zhvillua përsëri lojë e barabartë, por me më pak raste të krijuara, teksa gola nuk pati.
Rasti më i mirë ishte një goditje e forta nga distanca e Federico Valverdes në minutën e 90-të, por e cila u ndal nga shtylla dhe ndeshja u mbyll 0-0. Në ndeshjen e radhës, Uruguai luan ndaj Portugalisë, ndërsa Koreja e Jugut ndeshet me Ganën.
(Kosova Sot Online )
