Lexoni edhe:
Barcelona dhe Atletico në konkurrencë për shkëmbimin Depay-Carrasco
Arsenali me listë alternative për pesë lojtarët tjerë pasi Chelsea rrëmbeu transferimin e Mykhailo Mudryk
Klubi i Arsenalit ka përpiluar një listë dëshirash me pesë lojtarë pasi rivalët e Ligës Premier, Chelsea ia ‘rrëmbeu’ transferimin e Mykhailo Mudryk nga Shakhtar Donetsk, shkruan "Kosova Sot Online".
Mudryk ishte shumë i lidhur me Gunners dhe dukej e sigurt se do të shkonte në klubin e Londrës veriore përpara një sulmi të vonë nga Chelsea .
Blutë mundën Arsenalin në garën për nënshkrimin e tij duke paraqitur një ofertë prej 89 milionë funtesh apo 100 milionë eurosh për Shakhtarin, me sulmuesin anësor që nënshkroi një marrëveshje të madhe tetëvjeçare e gjysmë.
Transferimi i Mudryk në Stamford Bridge ishte një goditje e madhe për menaxherin e Arsenalit, Mikel Arteta, i cili dëshiron të sigurojë një tjetër opsion sulmues për pjesën e mbetur të sezonit.
Sipas faqes 90min, Arsenali tani i ka vënë sytë diku tjetër pasi humbi 22-vjeçarin Mudryk dhe ka pesë objektiva të mundshëm transferimi në radarin e tyre.
Publikimi raporton se drejtori sportiv i Arsenalit, Edu ka më shumë sytë te Barcelona në kërkimin e tij për një alternativë të qëndrueshme ndaj Mudryk.
Ferran Torres dhe Raphinha ishin dy emrat e ‘diskutuar’ nga Arsenali, me Topçinjtë që mbajtën ‘bisedime eksploruese për një sërë alternativash të mundshme’.
Raphinha, i cili ishte i lidhur me Arsenalin verën e kaluar, refuzoi një transferim te Topçinjtë dhe nënshkroi për Barcelonën në një lëvizje mahnitëse prej 60 milionë eurosh.
Megjithatë, 26-vjeçari anësor brazilian ka arritur të shënojë vetëm tre herë dhe ka regjistruar pesë asistime në 23 paraqitje për Barcelonën këtë sezon.
Torres, ashtu si Raphinha, ka dështuar të ketë një ndikim të madh në Barcelonë që nga transferimi i tij i bujshëm prej 55 milionë eurosh nga Manchester City.
Barcelona është e prirur të largoj lojtarët e tepërt nga klubi në një përpjekje për të liruar librat financiar dhe për të nënshkruar me lojtarë të rinj mes vështirësive të njohura financiare të klubit spanjoll.
Besohet se Arsenali ka pyetur për disponueshmërinë e Torres ose Raphinhas përpara mbylljes së afatit kalimtar të janarit.
Ylli i Brighton, Leandro Trossard besohet të jetë një tjetër objektiv i mundshëm për Topçinjtë pasi shprehu dëshirën e tij për t’u larguar nga klubi anglez.
Edhe bashkëlojtari i Trossard në Brighton, Kaoru Mitoma, ka tërhequr interes nga Arsenali, por Topçinjtë përballen me një provë më të ashpër për ta larguar atë nga ‘Pulëbardhat’.
Së fundi, një alternativë e kushtueshme për Arsenalin do të ishte sulmuesi anësor i Napolit, Khvicha Kvaratskhelia, i cili është nën kontratë me skuadrën e Serie A deri në vitin 2027.
Megjithatë, Napoli mund të ishte gati të lejonte largimin e 21-vjeçarit nga Gjeorgjia nëse një klub do t’i paguante mbi 100 milionë euro.
(Kosova Sot Online )
