Ylli i Premierligës gjobitet rëndë
Mesfushori i Newcastle United, Joelinton i është përjashtuar patentë shoferi dhe është gjobitur me afër 33 mijë euro pasi pranoi se kishte vozitur në gjendje të dehur.
Policia arrestoi lojtarin brazilian duke vozitur një Mercedes G-Wagen me targa 2022 në Ponteland Road, Newcastle, në orët e para të mëngjesit të 12 janarit.
Një test frymëmarrjeje tregoi se 26-vjeçari kishte 43 mikrogramë alkool për 100 ml frymëmarrje, mbi kufirin ligjor prej 35.
Në Gjykatën e Newcastle, gjykatësi i qarkut, Paul Currer, i dha atij një ndalim 12-mujor vozitjeje.
Kjo do të reduktohet në nëntë muaj nëse Joelinton përfundon një kurs rehabilitimi.
(Kosova Sot Online)